የግርማዊ ቀዳማዊ ኃይለ ሥላሴ ታሪካዊ ንግግር (አቻምየለህ ታምሩ)

የግርማዊ ቀዳማዊ ኃይለ ሥላሴ የአፍሪቃ አባት መሆናቸውን ታሪክ የማይክደው ሃቅ ነው

(ከተንቀሳቃሽ ምስል ክምችት ክፍላችን)

ከታች የታተመው ድምጽ የአፍሪካ አንድነት ድርጅት የመጀመሪያው የክብር ፕሬዝደንት የሆኑት የግርማዊ ቀዳማዊ ኃይለ ሥላሴ በአፍሪካ አንድነት ድርጅት ምሥረታ ላይ ግንቦት 14 ቀን 1955 ዓ.ም. ያሰሙት ታሪካዊ ንግግር ነው።

በግርማዊ ጃንሆይና ረዳቶቻቸው የረቀቀ ዲፕሎማሲ ጥረት የተወለደው የአፍሪካ ሕብረት መሰረቱ የተጣለው በዚህ ታላቅ የቀዳማዊ ኃይለ ሥላሴ ታሪካዊ ንግግር ነበር።

የአፍሪቃ አንድነት ድርጅት ውልደት የንጉሠ ነገሥቱ የድካም ውጤት እንደሆነ ከኛ ከኢትዮጵያውያን በላይ የሚያውቁት አፍሪካውያን ግርማዊ ጃንሆይን «የአፍሪካ አባት» ሲሉ በክብር ይጠሯቸዋል። በአፍሪካ ሕብረት መታሰቢያ የቆመለት ዶክተር ክዋኔ ንክሩማህ ሳይቀር የኢትዮጵያን ሚና ዋሺንግተን ዲሲ በሚገኘው በሃዋርድ ዩኒቨርስቲ ለዶክትሬት ዲግሪ ማሟያ በጻፈው ዲዘርቴሽን ላይ ገልጿል።

ወገንተኛ ያልሆኑ አፍሪቃውያንም ታላቁን የኢትዮጵያ ንጉሠ ነገሥት
ዐፄ ኃይለ ሥላሴ የአፍሪቃ አባት፣
ዐፄ ኃይለ ሥላሴ የአፍሪቃ አባት፤

በማለት ያዜሙሏቸው ለአፍሪካ በዋሉት ውለታና ለአፍሪቃ አንድነት ድርጅት ባደረጉት ወደር የሌለው አስተዋጿቸው ነበር። ንጉሠ ነገሥት ቀዳማዊ ኃይለ ሥላሴን የአፍሪካ አባት አይደሉም ብሎ የተከራከረው «ከኢሳያስ አፈወርቂ ጋር አንድ ሰዓት ቁጭ ብሎ ማውራት ዩንቨርስቲ ገብቶ ከመውጣት እኩል ነው»፤«ከኢሳያስ አፈወርቂ ጋር መቀመጥና መነጋገር አንድ ቤተመፃሕፍት ቤት መግባት ነው» ያለው ነውረኛው መለስ ዜናዊ ብቻ ነበር።

ከአፍሪቃ አንድነት ድርጅት ውልደት ሃምሳ አመታት በኋላ የተመሰረተው የአፍሪካ ቨርቹዋል ዩኒቨርሲቲ፤ በቅኝ ግዛት ውስጥ ስለነበሩ አገሮች እርዳታ፤ አንድ አፍሪካ ከመመስረቱ በፊት በተለያዩ የአፍሪካ ክፍለ አህጉራዊ አካባቢዎች ሊመሰረቱ ስለሚገባቸው ስለ AMU, CEN-SAD, COMESA, EAC, ECCAS, ECOWAS, IGAD and SADC ምክረ ኃሳብ ያቀረቡትም ግርማዊ ጃንሆይ ነበሩ።

ግርማዊ ጃንሆን በንግግራቸው መጨረሻውም አዲስ አበባ የተሰበሰቡት ነጻ የአፍሪካ መሪዎች በኢትዮጵያ የተዘጋጀውን የአፍሪካ አንድነት ድርጅት ቻርተር እንዲፈርሙና ከታሪክና ትውልድ ተወቃሽነት እንዲተርፉ በእግዚያብሔር ስም ጠይቀዋቸዋል። መለስ ዜናዊ ክዋሜ ንክሩማህን የአፍሪካ አባት ያደረገው በዚህ መልክ ሞግተው የአፍሪካ አንድነት ድርጅት እንዲቋቋም ያደረጉትን ታላቁን ቀዳማዊ ኃይለ ሥላሴን ያዋረደ መስሎት ነበር።

ሆኖም ግን እውነት ይዘገያል እንጂ ተደብቆ አይቀርምና እነሆ የአፍሪካ አንድነት ድርጅት እንዲመሰረትና በአዲስ አበባው ጉባኤ ድርጅቱን ሳይመሰረት የአፍሪካ መሪዎች ቢለብያዩ እያንዳንዳቸው የአፍሪካ መሪዎች በታሪክና በትውልድ ሲወቀሱ እንደሚኖሩ የሞገቱበት ታላቅና ታናሽ ወንድማማቾቹ መንግሥቱ ኃይለ ማርያምና መለስ ዜናዊ ግን የደበቁበት የቀዳማዊ ኃይለ ሥላሴ ሙሉ ታሪካዊ ንግግር እንዲህ ተቆፍሮ ሊወጣ ችሏል።

Share to friends and family
  • 18
  •  
  •  
  •  
  •  
  •  
  •  
  •  
  •  
    18
    Shares
,

About Zsunshinetube

Each one of us must take personal responsibility to speak up, stand up and defends for each other regardless of ethnicity, religion or any other.
View all posts by Zsunshinetube →

Leave a Reply